نوي شوي شنبه, ٣٠ غويی ١٣٩١
په ختيځو ولاياتو کې د ښځو پروړاندې د تاوتريخوالي ٤٩ پېښې ثبت شوي دي
پنجشنبه ٢٩ مرغومی ١٣٩٠ ساعت ٠٨:٠٨
په ختيځو ولاياتو کې د بشري حقوقو خپلواک کميسون سيمه ييز دفتر ډاکټر رفيع الله بيدار بخدي خبري اژانس سره په يوه ځانګړې مرکه کې وويل چې له درې مياشتو راهيسې په دغه سيمه کې د ښځو پر وړاندې د تاوتريخوالي ٤٩ پېښې ثبت شوي دي.
نوموړي وويل ادارې ته يې د ښځو پر وړاندې د تاوتريخوالي ٤٩ دوسيې راغلي چې ٩ يې له دوديزو لارو اوارې کړي او پاتې ٤٠ ته يې مدافع وکيلان نيولي دي
ډاکټر رفيع الله بيدار زياته کړه چې د ښځو پر وړاندې د تاوتريخوالي د کچې لوړيدلو لوى لامل د عدالت منګلو ته د عاملينو نه وړاندې کېدل،لرې پرتو سيمو ته نه لاس رسى او د غربت د کچې لوړوالى دى.
ډاکټر بيدار وويل چې په تېرو درې مياشتو کې يې د ننګرهار،کونړ،لغمان او نورستان په ولايتونو کې د خلکو د عامه پوهاوي په موخه ٢٩ غونډې او ورکشاپونه جوړ کړي چې زر تنو په کې ګډون کړى و.
نوموړي زياته کړه د غونډ، ډېره برخه يې د ښځو پر وړاندې د تاوتريخوالي د مخنيوي د ماشومانو معلولينو او انساني حقوقو ته ځانګړې شوې وې.
ډاکټر بيدار وويل له بيلابيلو غږيزو او انځوريزو رسنيو څخه يې د بشري حقوقو په اړه ١٦ ساعته خپرونې کړي دي.
نوموړي زياته کړه ادارې يې په ختيځو ولاياتو کې د خلکو د کچې د لوړاوي په موخه ٤٨٥٠ ټوکه مجلې او کتابونه ويشلي دي.
نوموړي وويل ادارې ته يې د ښځو پر وړاندې د تاوتريخوالي ٤٩ دوسيې راغلي چې ٩ يې له دوديزو لارو اوارې کړي او پاتې ٤٠ ته يې مدافع وکيلان نيولي دي.
نوموړي زياته کړه د ښځو پر وړاندې د تاوتريخوالي د پېښو پرته په ټوليزه توګه د انساني حقونو څخه په ٣ مياشتو کې ١٨ سرغړونې شوي دي.
ډاکټر بيدار د بخدي خبري اژانس ددې پوښتنې په ځواب کې چې اداره يې د ختيځو ولاياتو له ٥٣ اداري واحدونو څخه په څو اداري واحدونو کې کار نه شي ترسره کولى؟ وويل د ننګرهار حصارک،چپرهار،شيرزاد او خوږياڼو ولسواليو،د کونړ اسمار،غازي اباد،چپه دره او ماڼوګي ولسوالۍ او د لغمان دولت شاه ولسوالۍ ته او د نورستان له نورګرام پرته د مرګز په ګډون ٨ اداري وحدونو ته نه شي ورتللى.
نوموړي د نه ورتګ لامل امنيتي ستونزې او د وسله والو مخالفينو ګواښونه وبلل.
بيدار د بخدي خبري اژانس ددې پوښتنې په ځواب کې چې د هيواد په کچه ستاسو مرکزي دفتر د جنګي سرغړونو په اړه د راپور په چمتو کولو بوخته ده په دغه راپور کې به څه وي او څۀ وخت به خپريږي؟ وويل : ((زموږ د مرکزي ادارې د جنګي جرايمو په راپور کې د خلکو نظر پوښتنه د بشري حقونو په اړه ملي برنامه جوړول او د ثور له اوښتونه وروسته په ټول هيواد کې تر ٢٥ پورې سترې پېښې دي))
نوموړي زياته کړه چې په دغو پېښو کې د کمونستانو،مجاهدينو او طالبانو د نظامونو پر مهال ډله ايزې وژنې ډله ايز قبرونه او نورې غټې پېښې دي.
ډاکټر بيدار وويل چې تمه کيږي چې مرکزي اداره به يې دغه راپور افغان دولت ته د خپرولو په موخه وسپار چې په وينا يې د راپور خپرول به د نظام د پياوړتيا او د ولس د هيلو او ارزوګانو لپاره د عدالت د تامين په برخه کې يو ښه ګام وي.
د يادونې وړ ده چې ددغې ادارې د راپور له مخې په تېره ربعه کې د ښځو پر وړاندې د تاوتريخوالي ٤٠ پېښې ثبت شوې وې.
مصور عباسي - ننګرهار
اصلی مخ
ورود
د هواڅرنگوالی
کابل فردا آفتابی
قندهار فردا آفتابی
هرات فردا احتمال بارندگی
مزارشريف فردا
غزنی فردا آفتابی
جلال آباد فردا احتمال بارندگی
باميان فردا احتمال بارندگی
فراه فردا آفتابی
تبلیغا ټ
