نوي شوي شنبه, ٣٠ غويی ١٣٩١
د ننګرهار لاريونونه١٢ تنو ته په مرګ ژوبلې اوښتلو پاى ته ورسيدل
چهارشنبه ٠٣ کب ١٣٩٠ ساعت ١٨:١٤
د ننګرهار په مرکز جلال اباد ښار کې لاريونونه په پښتونستان واټ او هوايي ډګر کې په شخړو او مرګ ژوبلې واوښتل.
د والي وياند وويل چې هوايي ډګر ته په رسيدو دغې ډلې د ناټو ځواکونو د تېلو ٦ ټانکرونو ته اور ورته کړ او له امنيتي ځواکونو سره يې اخ وډب رامنځته شو .
د ننګرهار عامې روغتيا رئيس ډاکټر بازمحمد شيرزاد بخدي اژانس ته وويل چې د مازيګر تر اذانونو ورته له لاريونو څخه ١١ تنه ټپيان او يو جسد راوړل شوى دى.
نوموړي زياته کړه چې په ټپيانو کې ماشومان هم شامل دي.
د والي وياند احمد ضياء عبدالزي بخدي اژانس ته وويل چې ددغه ولايت په حصارک،سره رود،بهسودو،کامې او کوز کونړ ولسواليو کې د ننګرهار پوهنتون په ګډون ټول لاريونونه سوله ايز پاى ته رسيدلي دي.
عبدالزي وويل د لاريون کوونکو يوه ډله چې له مخابراتو څلور لاري څخه يې د هوايي ډګر په لور واټن وهلو وروسته له هغې له پوليسو سره لاس او ګريوان شول چې عامه شتمنۍ د خلکو موټر او هټۍ يې په ډبرو وويشتلې.
د والي وياند وويل چې هوايي ډګر ته په رسيدو دغې ډلې د ناټو ځواکونو د تېلو ٦ ټانکرونو ته اور ورته کړ او له امنيتي ځواکونو سره يې اخ وډب رامنځته شو .
عبدالزي په دغه پېښه کې د ٥ تنو ټپي کيدل ومنل.
د هيواد ختيځ جلال اباد ښار نن د چهارشنبې په ورځ له تاوتريخوالي د ډکو لاريونونو شاهد و، د سختو لاريونونو له امله ٥ ساعته د کابل جلال اباد او جلال اباد تورخم لارې تړلې وې.
مصور عباسي _ ننګرهار
اصلی مخ
ورود
د هواڅرنگوالی
کابل فردا آفتابی
قندهار فردا آفتابی
هرات فردا احتمال بارندگی
مزارشريف فردا
غزنی فردا آفتابی
جلال آباد فردا احتمال بارندگی
باميان فردا احتمال بارندگی
فراه فردا آفتابی
تبلیغا ټ
