نوي شوي شنبه, ٣٠ غويی ١٣٩١
په ننګرهار کې د يوې رغنيزې پروژې چارې پيل او بله ګټې اخيستنې ته وسپارل شوه
سه شنبه ٠٢ کب ١٣٩٠ ساعت ١٣:١٢
په جلال ابآد ښآر کې د UN-Habitat په مرسته د ويالو پخولو پروژه بشپړه او ددغه ولايت په مرکزي محبس کې د يوه کلينک جوړولو د بنسټ ډبره کېښودل شوه.
د محبس قوماندان وويل چې ننګرهار محبس ٦٥ کاله وړاندې د ٦٠٠ بنديانو ساتلو په موخه جوړ شوى چې اوس مهال په کې د ٢٤ ميرمنو په ګډون ١٢٦٧ تنه بنديان ساتل کيږي.
د UN- Habitat د جلال اباد ساحوي انجينر عنايت الرحمن بخدي خبري اژانس ته وويل چې دده ښار د اکمالاتي بيز د ٥١ مې انکشافي شورا په ساحه کې يې د ٢٩٣٣ متره ويالو پخولو چارې د کب په ٢ مه سرته ورسيدې.
عنايت الرحمن وويل چې دغه پروژه يې په ٨ مياشتو کې د ٦٧٩٧٥ امريکايي ډالرو په لګښت سرته ورسوله.
نوموړي زياته کړه ؛چې د پروژې په اوږډو کې يې ٩٩ د بلول پولچکونه جوړ کړي او په ٥٠٠ متره سرک يې جغل اچولى دى.
د نوموړي په وينا په دغه پروژه کې ٨ مياشتې ٣٠٠٠ مزدورانو کار کړى او ٣٦٠٠ کورنيو ته يې ګټه رسيدلې ده.
ددغې شورا يو تن مشر نقيب الله فقيرزاده بخدي خبري اژانس ته وويل چې د باراني اوبو د ډنډيدو او مخې د نه درلودلو له امله يې د وړم کال په ورښتونو کې د سمې سلګونه کورونه نړيدلي وو.
نوموړي له دولته غوښتنه وکړه چې د ويالو د بنديدو مخه دې ونيسي او اوسيدونکو ته دې د پاکو اوبو اسانتياوې ورکړي.
د يو بل خبر له مخې د ننګرهار محبس قوماندان سمونوال عبدالولي حصارک بخدي خبري اژانس اته وويل چې د هيلت نيټ موسسې په مرسته يې د څه له پاسه يو ميليون افغانيو په لګښت په ننګرهار محبس کې د يو کلينيک بنسټ ډبره کيښوده.
نوموړي زياته کړه چې په ٤ مياشتو کې به د کلينيک جوړولو چارې سره ورسيږي.
د محبس قوماندان وويل چې ننګرهار محبس ٦٥ کاله وړاندې د ٦٠٠ بنديانو ساتلو په موخه جوړ شوى چې اوس مهال په کې د ٢٤ ميرمنو په ګډون ١٢٦٧ تنه بنديان ساتل کيږي.
نوموړي زياته کړه چې د محبس اوسنۍ ودانۍ په ٢٥ جريبه ځمکه کې ودانه شوې چې د نوي ښار په پروژه کې ورته والي ٥٠ جريبه ځمکه ورکړې خو ؛چا ورته د نوې ودانۍ جوړولو لپاره پانګه نه ده ورکړې.
د عامې روغتيا رئيس ډاکټر بآز محمد شيرزاد بخدي خبري اژانس ته وويل چې په محبس کې د جوړيدونکي کلينک درې خونې وار له مخه نړيوال سره صليب جوړې کړي چې د درې نورو خونوپه جوړولو سره به د ده رياست له لوري دغه لس بستريز کلينک په فعاليت پيل وکړي.
د عامې روغتيا رئيس وويل چې د ساري ناروغيو د تشخيص او کنترول په موخه يې محبس ته د ايکسرى ماشين ورکړى چې تراوسه يې د ٥٠٠ بنديانو معاينات ترسره کړي دي.
د يادونې وړ ده چې يوه اونۍوړاندې کورنيو چارو وزير د ولسي جرګې د استيضاح په غونډۀ کې کونړ محبس تر ننګرهار محبسه ښه بللى و.
مصور عباسي _ ننګرهار
اصلی مخ
ورود
د هواڅرنگوالی
کابل فردا آفتابی
قندهار فردا آفتابی
هرات فردا احتمال بارندگی
مزارشريف فردا
غزنی فردا آفتابی
جلال آباد فردا احتمال بارندگی
باميان فردا احتمال بارندگی
فراه فردا آفتابی
تبلیغا ټ
